№4 орто мектебине 300 орундуу жаңы корпус курулууда
Объект: №4 орто мектеп, Ак-Суу айылы, Вокзальная көчөсү, 45.
Көйгөй: Мектептин азыркы имараты 1972-жылы курулуп, долбоор боюнча 800 окуучуга ылайыкталган. Учурда бул мектепте 2 206 окуучу үч нөөмөттө билим алууда. Бул көрсөткүч имараттын долбоордук кубаттуулугунан кыйла жогору.
Долбоордун максаты: Мектептеги орун тартыштыгын азайтуу, окуучулардын үч нөөмөттө билим алуусун кыскартууга шарт түзүү жана билим берүү процессинин сапатын жакшыртуу.
Жаңы корпус: Долбоордун алкагында 300 окуучулук орунга эсептелген жаңы корпус курулууда.
Подрядчы: Курулуш иштерин «Кут компани» ЖЧКсы жүргүзүүдө.
Долбоор ишке ашырылгандан кийин мектептин жалпы сыйымдуулугу көбөйүп, окуучулар үчүн билим алуу шарттарын жакшыртууга мүмкүнчүлүк түзүлөт.